ഗതാകത നിയമങ്ങൾക്കെന്തു വില ?
ക്രമം തെറ്റി നീങ്ങിയ
വാഹനങ്ങൾ നഗരത്തെ
നിശ്ചലമാക്കി
മനുഷ്യർ വഴിയിൽ
കലഹിച്ചു
***
കാലനോട് കേഴുന്ന
ജീവൻ ന്ടെ നിലവിളി പോലെ
ആംബുലൻസിൻ രോദനം
കണ്ടില്ലാന്നു നടിച്ച്
പോലിസ്
മന്ത്രിക്കു വഴിയൊരുക്കി
ഒടുവിൽ മൃത്യുവിനു കീഴടങ്ങി
ആത്മാവ്
അവസാന ശ്വാസവും വിട്ടു
സ്വോതന്ത്രനായി
***
വികലമായ രതിയിൽ
ഉത്മത്തനായ
കാമവെറിയന്ടെ ചേഷ്ടകൾ
നഗരത്തിനൊപ്പം
ബസിലെ യാത്രക്കാരിയെയും വല്ലാതെ
വീർപ്പു മുട്ടിച്ചു
***
നഗരത്തിലെ മാലിന്യം മുഴുവൻ
സ്ഥിരമായി സഹിക്കാൻ വിധിക്കപ്പെട്ടവർ
മൂക്ക് പൊത്തി അധികാരികളെ
ശപിച്ചു
***
പൊതുവഴിയിൽ യോഗങ്ങൾ നിരോധിച്ച
കോടതിക്കെതിരായി പ്രതിപക്ഷത്തിനൊപ്പം
അധികാരികളും തെരുവിൽ ഖോരം
പ്രസംഗിച്ചു
***
ആഹാര പതാർതങ്ങളിൽ വിഷം ചേർക്കുന്നവർ
ഔഷദങ്ങൾ നിർമ്മിച്ചു
കച്ചവടത്തെ കപടമാക്കി
വിപുലമാക്കി
ആശുപത്രികൾ നിർമിച്ചു നല്ല
ശമരിയക്കാരുമായി
***
മാലിന്യ കൂമ്പാരാത്തിനരികിൽ
വേഗതകുറച്ച കാറിൽ നിന്നും കളഞ്ഞ
കവറിനു പുറകെ പായുന്ന തെരുപട്ടികളെ
കണ്ടപ്പോൾ അതെകാറിലെ സുഖശീതളതയിൽ
ഇരുന്ന പോമെരിയാൻ നായക്ക്
പുച്ഛം
പഴയൊരു വിപ്ലവകാരി കവി
സമത്വം സ്വോപ്നം കണ്ടവൻ
ആദർശം കൊണ്ട് വിശപ്പടങ്ങാതെ
തെരുവ് പട്ടികൾക്കൊപ്പം എച്ചിലിനായി
പരതി
No comments:
Post a Comment