ഏതോ അത്ഭുത ലോകത്തെത്തിയതു പോലെ അയാൾ ആകാശത്തേക്ക് നോക്കി മലർന്നു കിടന്നു.അങ്ങകലെ ഉയർന്നു പറക്കുന്ന പട്ടത്തിന്‍റെ പരുത്തി നൂലിന്‍റെ ഇങ്ങേ തല സ്വന്തം കയ്യിലെന്നപോലെ അയാൾ അയച്ചുവിട്ടുകൊണ്ടിരിക്കുന്നു. ഒടുവിൽ പട്ടം മാനം മുട്ടിയെന്നു തോന്നിയപ്പോൾ അയാളൊരു കടലാസെടുത്തു വൃത്താകൃതിയിൽ വെട്ടി വടിവൊത്ത അക്ഷരത്തിൽ എന്തോ എഴുതി ശേഷം നടുക്കൊരു തുളയിട്ടു പട്ടത്തിന്‍റെ നൂലിൽ കൂടി കടത്തി മുകളിലേക്കയച്ചു - എന്‍റെ ദൈവമേ അങ്ങേക്കും കിറുക്കയോ ?
